Рус теле һәм әдәбияты атналыгы кысаларында кечкенәләр төркемендә тәрбияләнүчеләр " Двенадцать месяцев" һәм "Снежная королева "әкиятләрен карадылар. Бу әсәрләр яхшы күңелле кешенең чын могҗизага лаек булуына ышандыра. Тәрбияләнүчеләр белән бергә бу әкиятләрнең охшашлыкларын таптык. Охшашлык шунда ки, төп геройлар балалар, аларга төрле сынауларга түзәргә һәм явызлыкны җиңәргә туры килә.
Ике әкият тә тылсымлы, аларда тылсымлы геройлар, предметлар, сөйләшә белүче җәнлекләр һәм тылсымлы әверелешләр бар. Әкият игелек һәм дуслык җиңүе белән тәмамлана.