Бүген мәктәбебездә берничә йолдыз бергә кабынды дисәк тә ялгышмабыз. Ноябрьнең соңгы якшәмбесе  һәр елны Әниләр көне буларак билгеләнеп үтә.  Шул нисбәттән, без укучылар, әти–әниләр белән бергәләп мәктәптә "Әниемнең алтын куллары" исемле күргәзмә – кичә оештырдык.   Әлеге чара, әниләр тормышын чагылдырган презентация белән башланып китте. Укучыларыбызның әниләре үзләренең кул эшләре белән якыннан таныштырып китсәләр, Диния ханым моңлы тавышы белән, Раушания ханым үзе иҗат иткән шигырләрен сөйләп таң калдырды һәммәбезне. Әлеге чарада, Әниләр үзләренең чынлап та алтын куллы булуларын исбатладылар. Берсеннән-берсе матур эшләре белән балаларыбызны һәм безне сөендерделәр. Шушы чараны оештыруда  актив катнашкан, безнең хөрмәтле әниләребез,  укучыларга бик зур рәхмәтебезне җиткерәбез!