Валеева Резеда апа балалар бакчасына   бик күп пазллар бүләк итте.Пазллар балаларның үсешендә зур урын алып тора торган уен.Ул балаларга хәтер сәләтен үстерергә,төсләрне яхшы белергә ярдәм итә.Резеда апаларына зур рәхмәт балаларны куандырган өчен.

"Сәяр" балалар һәм яшүсмерләр театрлары фестиваленең район этабында катнаштык.Балалар белән"Торна белән Төлке"әкиятен сәхнәләштердек.

Балалар белән саф һавада хәрәкәтле уеннар уйнадык.Балалар "Тычкан белән песи"уенын бик яратып уйнадылар.

Балалар белән "Шалкан"әкиятен уйнадык.Балалар уенда бик теләп катнаштылар,мөстәкыйль рәвештә рольгә кереп уйнадылар.

21 февральдә дөньякүләм туган тел көне билгеләп үтелә.Балаларга ана теленең бөеклеге,туган телебез-татар теленә карата кызыксыну тәрбияләү максатыннан,туган телгә багышланган шигырьләр укыдык,милли уеннар уйнадык,Г,Тукай иҗаты турында белемнәрен ныгыттык.

Балалар саф һавада хәрәкәтле уеннар уйнадылар,бәләкәй көрәкләр ярдәмендә участоктагы карларны да көрәделәр.

Авылыбыз китапханәчесе Фатыхова Гүзәлия балаларны герой-шагыйрь Муса Җәлил иҗаты белән таныштырды,белемнәрен  яңа мәгълүматлар белән тулыландырды.

Бүгенге шөгыльдә балаларга сугыш вакытындагы транспорт төрләре турында белем бирү,аларны таный,атый белергә өйрәтү максат итеп алынды.Балаларга Ватанны саклаучылар турында башлангыч төшенчә бирелде.

Балалар белән уен мәйданчыгында үскән агачларны күзәттек,тышкы кыяфәте буенча аерырга өйрәндек.

Балалар кыргый хайваннар белән таныштылар һәм "Парын тап"уенын уйнадылар.