Мәктәп коллективы: укучылар һәм укытучылар, "Сәламәтлек көне" уңаеннан, саф һавада төрле хәрәкәтле уеннарда актив катнаштылар.

Укучылар белән Интернетны файдалану кагыйдәләрен өйрәндек. Мәгълүматны саклау ысулларын тикшердек

Укучылар, укытучылары белән берлектә, саф һавада күңелле уеннар уйнадылар, чаңгы шудылар.

Авыл тарихын өйрәнү максатыннан, 1 - 3 нче класс укучылары мәкәэп музеенда экскурсиядә булдылар.

1-4 нче класслар белән, Ленинград блокадасын өзү көненә багышлап, "Блокада икмәге" темасына класс сәгате үтте.

1-3 нче класс укучылары белән "Оят, гаеп һәм гафу үтенү" темасына әхлак дәресе үткәрелде.  Укучылар, мультфильм геройлары белән берлектә, әхлаклылык иленә сәяхәт иттеләр.

9 сыйныф укучылары һәм аларның әти-әниләре өчен имтиханга әзерлек буенча җыелыш үткәрелде. Ата-аналар биреп карау имтиханы нәтиҗәләре белән танышты. Имтихан алучы укытучылар әзерлек барышы турында сөйләделәр, тәкъдимнәрен җиткерделәр.

Укучыларыбыз мәктәптән тыш эшләр үзәге оештырган "Брейн-ринг" уенында катнаштылар. Шавалиев А. "Иң актив катнашучы" грамотасына һәм истәлекле бүләккә ия булды.

Ленинград блокадасы тулысынча өзелү көненә багышланган "Хәтер дәресләре" үткәрелде. Укучылар блокада турында яңа мәгълүматлар алдылар. Илебез халкының сугыш чорындагы батырлык үрнәкләре белән таныштылар

Башлангыч класс укучылары "Светлячок памяти"/"Хәтер яктысы" акциясенә кушылдылар