Бөек Җиңүнең 77 еллыгын патриотик рәвештә каршылау, ил тынычлыгы, азатлыгы өчен үз гомерләрен биргән авылдашларны искә алу, аларның данын мәңгеләштерү максатыннан укучылар тыл ветераннары белән очрашу оештырды. Н.Асты авылында гомер итүче Әлфинур Мирзаян кызы, Фәһимә Габдрахман кызы, Рәкибә Сәрвәр кызы белән әңгәмә оештырылды, алар да үз теләкләре, хатирәләре белән уртаклаштылар.

Җиңүнең 77 еллыгын каршылап, укучылар М. Тамак, Н. Асты авылылларында гомер итүче тыл ветераннарында кунакта булдылар. Аларга үзләре әзерлэгэнконцерт номерларын күрсәттеләр, котлауларын җиткерделәр.

Чисталык икеайлыгы кысаларында, дәресләрдән сон вакытны бушка уздырмыйча, укучылар һәм мәктәп коллективы авыл урамнарындагы чүпләрне җыйдылар, махсус капчыкларга тутырып, чүп машинасына чыгардылар
#чисталыкикеайлыгы
#чистамөслим
#чистаавыл
#меллятамакскаянош

Туган тел көнен билгеле үттек. Мәдәният хезмәткәрләре белән берлектә оештырылган чарада укучылар, мәктәпкәчә төркемдә тәрбияләнүче балалар  Тукай шигырьләрен сөйләделәр, кызыклы уеннарда катнаштылар, урманнан килгән "Шүрәле" нең биремнэрен үтәделәр. Чара ахырында "Туган тел" жырын хор белән башкардылар.

Укучылар, мәктәпкәчә тәрбия алучы балалар, коллектив хезмәткәрләре белән берлектә мәктәп территориясе кыштан калган чүптән арындырылды.

Мәктәпкәчә төркемдә тәрбияләнүчеләр туган ягыбызның табигатен күзәттеләр, беренче чәчәкләр белән таныштылар, хәрәкәтле уеннарда катнашып сәламәтлекләрен ныгыттылар.

"Яшь бөреләр-2022" районкүләм талантлы балалар фестиваленең йомгаклау концертында башлангыч сыйныф укучыларыннан торган "Тамчы" бию төркеме катнашу хокукы алды. Алар "Лошкари" биюен тәкъдим иттеләр. Төркем 3 дәрәҗәдәге диплом, истәлекле бүләкләргә лаек булды.

Ученики начальных классов были на обучении по быстрой разработке приложений. После завершения обучения всем выдали сертификаты

"Яшь бөреләр" район фестиваленең сайлап алу турында катнашып укучылар уңышлы чыгыш ясадылар. Алар күрсәткән биюләр гала концертта чыгыш ясау хокукы алдылар.

1961 нче елның 12 апрелендә совет космонавты Юрий Гагарин “Восток-1” космик корабында “Байконур” космодромыннан старт алган һәм дөньяда беренче кеше булып Җир шарын урап очкан. Космоста очу вакыты 1 сәгать 48 минут дәвам иткән.
 
СССР Югары Советы Президиумының 1962 нче елның 9 апрелендәге указы нигезендә Советлар Союзында 12 апрельдә Космонавтика көне билгеләп үтелә башлый. Шул уңайдан укучылар һәм мәктәпкәчә тәрбия алучы балалар белән мәгълүмат сәгате оештырылды. Авыл китапханәчесе Л. Игошева аларны Юрий Гагаринның укытучысы булган, безнең якташыбыз Никон Романович Егоров белән таныштырды. Космоска кагылышлы мультфильмнар күрсәтелде