23 сентябрьдә ел саен Халыкара шашка көне билгеләп үтелә. Шул уңайдан Мәктәптән тыш эшләр үзәгендә шашка уйнау буенча муниципаль турнир узды. Укучылар турнирга зур җаваплылык һәм ачыктан-ачык кызыксыну белән карадылар.
Шашкалар - акыл өчен заряд биргән, ихтыяр һәм ныклык тәрбияли, фикерләүне, игътибарны, хәтерне үстерә торган яраткан өстәл уеннарының берсе булып санала.
Турнирда барлыгы 48 укучы катнашты. Башлангыч сыйныф укчылары арасыннан, 1 урынны Латипова Зарина (Мәктәптән тыш эшләр үзәге), 2 урында Шайхетдинова Айсылу (Мәктәптән тыш эшләр үзәге), 3 урында Гизтдинов Самат (Мәктәптән тыш эшләр үзәге) булды.
5-9 нчы сыйныфлар арасыннан 1 урында Нагимов Ильяс (“Олы Чакмак төп гомуми белем бирү мәктәбе”), 2 урында Габидуллина Камилла (“Олы Чакмак төп гомуми белем бирү мәктәбе”), 3 урында Хазиев Тимур (Мәктәптән тыш эшләр үзәге) булды.
Җиңүгә омтылучы укучыларга да грамота бирелде, алар Смелов Рафаэль белән Шайхетдинов Раяз булды.
Җиңүчеләр грамота һәм истәлекле бүләкләр белән бүләкләнделәр.