Җәйнең иң күңелле мизгелләрен бүләк иткән "Шифа" сәламәтләндерү лагеры белән саубуллашыр көн дә җитте. Бу көн күңелләрдә бигрәк тә матур тәэсир калдырды, чөнки саубуллашу чарасы табигать кочагында узды. Балалар лагерьда үткәргән көннәр турындагы матур истәлекләре белән уртаклаштылар, иң ошаган көннәре, монда танышкан дуслары турында сөйләделәр. Лагерь белән саубуллашу җырын җырлагач, учакта пешкән тәмле ботка, көлдә пешкән бәрәңге, апалары пешергән пирожкилар һәм кайнар чәй белән сыйландылар. Балалар лагерьдан бик канәгать калуларын әйттеләр, икенче елга да шушы вакытта кабат очрашырга сүз куештылар.
#нижнетабынскаяшколаинтернатдлядетейсовз
#лагерьшифа