1 нче ноябрьдән 5 нче ноябрьгә кадәр Владимир шәһәрендә "Содружество-2024"X Бөтенроссия балалар-яшүсмерләр милли мәдәниятләр фестивале узды.

Фестивальдә безнең районнан 4 кешедән торган делегация катнашты. Мәктәптән тыш эшләр үзәгенең "Focus" Балалар иҗат берләшмәсе әгъзалары - 4 нче сыйныф укучылары Ибраһимова Фәридә (лицей), Асманова Алисә (Гимназия), ИбраҺимова Флюзә һәм төркем җитәкчесе Ногманов Фаил Исмәгыйль улы.

Фестиваль программасы бик кызыклы булды. Владимир-Суздаль җиренең борынгы тарихи урыннары буенча экскурсияләр( Россиянең Алтын боҗрасы), мастер-класслар, дуслык кичәләре һ.б. фестивальнең үзәк чаралары булып балалар иҗаты конкурслары торды.
Безнең кызлар Вокал - халык җыры номинациясендә катнаштылар. Алар татар, рус һәм инглиз телләрендә ике җыр (Казан кичләре һәм үзләре иҗат иткән "Легендарный город" җырын) уңышлы башкардылар.

Нәтиҗәдә, яшь талантларыбыз әлеге конкурс лауреатлары дипломнарын алдылар.
Без аларны чын күңелдән котлыйбыз!