Юл-транспорт һәлакәтләрен профилактикалау, балаларның тормышын һәм сәламәтлеген саклау максатларында Тойгелде төп белем бирү мәктәбендә "Әти-әниләр патруле" акциясе узды. Акция түбәндәге юнәлешләр буенча оештырылды: мәктәпкә бару юлында ата-аналар һәм укучылар тарафыннан юл хәрәкәте кагыйдәләрен үтәү, велосипедта йөргәндә куркынычсызлык кагыйдәләре, юл билгеләрен аера белү.
Укучылар белән профилактик әңгәмә үткәрелде, яшь җәяүле һәм велосипедчы дип аталган истәлекле бүләкләр таратылды. Балаларның юл хәрәкәте куркынычсызлыгын тәэмин итү буенча актив эш алып барганнары өчен әти-әниләргә рәхмәтебезне белдерәбез.