16 нчы декабрь Рус Шуган төп белем бирү мәктәбендә «Башлангыч мәктәп укучыларына рухи-әхлакый тәрбия бирү» темасына, район мәктәпләре педагог- организаторлары семинар-киңәшмәсе узды. Педагоглар «Авыл хуҗалыгы», авылның тарихы, туган якны өйрәнү музеенда булдылар. Анда экскурсоводлар кунакларны авыл, мәктәп тарихы, экспонатлар белән таныштырдылар. Россия халыкларының рухи һәм матди культурасы елына багышланган "Рухи мирас" чарасы җырлар, әкиятләр, такмаклар тарихы белән бәйләнеп барды. Кунакларны "Звездочки", "Росинки", "Аккорд” мәктәп ансамбльләре сәламләде. «Дуслык» иҗат коллективы «Шалкан» спектаклен күрсәтеләр. Мәктәптән тыш эшләр үзәге методисты Айзирә Сабирова педагог-организаторлар белән мастер-класс үткәрде. Алар папье-машедан ясалган чыршы уенчыкларын буяп, Яңа ел чыршысына элделәр.