Республикакүләм Пионериянең 100 еллыгына багышланган Зур Җыен Казан шәһәренең "Россия - минем тарих" дип аталган тарихи парк базасында Татарстан Республика мәгариф һәм фән министрлыгы тарафыннан уздырылды. Чарага пионер ветераннары, актив укучылар чакырылган иде. Кунакларны Татарстан Республикасының Премьер-министр урынбасары Ләйлә Фазлыева сәламләде. Ул бер төркем ветераннарга юбилей уңаеннан медальләр тапшырды. Чарада шулай ук мәгариф министры урынбасары Алсу әсәдуллина катнашты һәм делегатларны бәйрәм белән тәбрикләде. Котлаулар концерт номерлары белән аралашып барды. 100 ел элек оешкан балалар хәрәкәте еллар узган саен үзгәреп, исемнәре алышынса да, асылы шул ук калды. Хәзерге заман укучылары да намуслы, ярдәмчел, иҗади, үз илләренең патриотлары булып үсәләр.