26 апрель көнне “Саннар көне” проекты кысаларында, Мөслим районының гомуми белем бирү һәм мәктәптән тыш эшләр үзәге өстәмә белем бирү учреждениесы укучылары арасында робототехника буенча районкүләм “РобоКвест-2022” ярышы үтте. Ярышларны карарга Мөслим районы Башкарма комитет җитәкчесенең урынбасары Р.В. Мөхсинов, мәгариф идарәсе начальнигы Л.Я. Хәбибуллина килделәр. Командалар дүрт этаптан торган ярышларда көч сынаштылар. Гран-Прига “Мәктәптән тыш эшләр” үзәге “Офык” командасы лаек булды. 1 урынга лицей командасы, 2 урынга Г. Тукай исемендәге Мөслим урта мәктәбенең “Академики” командасы чыктылар, гимназиянең “Сrossout” командасы 3 урынга лаек булды. Шәхси беренчелектә һәр категориядән иң яхшы уенчылар ачыкланды.  “Лабиринт” категориясендә Кәрим Нафиков, “JuniorSkills Challenge 2022” буенча Илья Лошкарев, “Sprint” категориясендә Камил Ситдиков, “Сумо” категориясендә Ислам Хәбибуллин лаек булдылар. Җиңүчеләргә мәгариф идарәсе һәм мәктәптән тыш эшләр үзәгенең мактау кәгазьләре, һәр уенчыга медаль, командага кызыксындыру бүләкләре тапшырылды. Гран-прига лаек булганнарга күчмә кубок тапшырылды.