Татарстан Республикасы Мәгариф министрлыгы тарафыннан тәкъдим ителгән “Минем инициатива” – “Моя инициатива” дип аталган тормышка ашырылган социаль проектлар конкурсында катнаштык. Конкурс проект эшчәнлеге нигезләрен ныгытуны,  үз җирлегеңдә социаль хәлләр өчен җаваплылык хисен формалаштыруны, укучылар арасында коллектив инициативаларны стимуллаштыру максатыннан оештырылды һәм түбәндәге номинацияләр буенча үткәрелде:

экология һәм әйләнә-тирәлекне саклау;

территорияләрне төзекләндерү;

социаль проблемалар;

яшьләр проблемалары;

Минем гаиләм, минем мәктәп, минем илем;

спортны һәм сәламәт яшәү рәвешен пропагандалау.

Район турына мәктәпләрдән 8 эш килде. Төрле номинациядән беренче урынны алган дурт эш зона турына тәкъдим ителде. “Бикмәч авылы бакыр рудниклары” дип аталган Г.Тукай ис.Мөслим урта мәктәбе укучылары Галиев Рамазан һәм Мавлиев Данил  (җитәкчесе Хаҗиев Р.Р.) ясаган социаль проблемалар  проекты зона турында беренче урынга лаек булды. Укучыларны һәм аларның фәнни җитәкчеләрен зур җиңүләре белән котлыйбыз һәм алдагы турда уңышлар телибез.