Мөслим лицее базасында педагог-оештыручыларның чираттагы семинары уздырылды. Семинар “Белем бирү оешмасында Россия балалар хәрәкәтенең үсеше”  дигән темага булды. Педагог-оештыручы Г.Р. Вагыйзова лицейда балалар оешмасы эшчәнлеген яктырткан бик эчтәлекле һәм күңелле мәктәптән тыш чара оештырды. Педагоглар укучылар тарафыннан тәкъдим ителгән мастер-класста катнаштылар, үзара тәҗрибә уртаклаштылар. Теория өлешендә Мәктәптән тыш эшләр үзәге методисты Н.З. Сәлахова январь-февраль айларында узачак бәйге нигезләмәләре белән таныштырды, тәкъдим ителгән эшләргә карата булган  таләпләрне үтәргә чакырды, сорауларга җавап бирде.