Мәктәптән тыш эшләр үзәгенең “Инженерлык лабораториясе”ндә шөгыльләнүче һәм Г.Тукай исемендәге Мөслим урта мәктәбендә укучы балалар өчен Әлмәт шәһәренең балалар технопаркы Кванториумга экскурсия оештырылды.  Кванториум хезмәткәрләре өстәмә белем бирү оешмасы эшчәнлеге белән таныштырдылар, сорауларга җавап бирделәр. Шушында ук авыл мәктәпләре арасында 3D- модельләштерү буенча хакатон уздырылды. Хакатонда Әлмәт, Азнакай, Мөслим районнары укучылары катнашты.  Ярышларда Мөслим даны өчен берләшмәдә йөрүче Вахитов Булат һәм Вәлиев Алим  чыгыш ясадылар. Алар компьютерда Яңа ел открыткасы программалаштырдылар һәм 3D- принтерда чыгардылар. Алар Кванториумның Мактау кәгазенә лаек булдылар. Балаларның педагогы – Илшат Закиров.