Мәгариф министрлыгы тарафыннан җибәрелгән карарга нигезләнеп “Нәрсә?”,“Кайда?”, “Кайчан?” дип аталган интеллектуаль олимпиаданың муниципаль этабы оештырылды. Уенда урта мәктәпләрнең 9-11 класс укучылары катнашты. Унышар сораудан торган ике тур үткәрелде. Сорауга җавап бирергә бер минут вакыт бирелде. Уенда катнашкан дүрт команда егерме сорауга җавап бирде. Җавапларны тикшергәннән сон, урыннар түбәндәгечә булды. Иң күп очконы Мөслим гимназиясе җыйды. Аннан соң Мөслим лицее, Михайловка урта мәктәбе һәм Г.Тукай исемендәге Мөслим урта мәктәбе. Мондый форматта  уен әле беренче тапкыр оештырылды, һәм шунысын да эйтергә кирәк, сораулар җиңелләрдән түгел иде. Катнашкан укучыларга интеллектуаль уенда үзләрен сынап караганга рәхмәт эйтәбез, киләчәктә уңышлар телибез.