Бүген “Брейн-ринг” уеннарының финал туры уздырылды. Рингта алдагы ярышларда җиңү яулаган Баек мәктәбенең “Знатоки” һәм Мөслим лицееның “Тапкырлар” командасы очрашты. Уенга кунак булып килгән Мөслим Башкарма комитеты җитәкчесенең социаль мәсьәләләр буенча урынбасары М.Р. Бәдретдинова укучыларга уенның бик күп еллар дәвам итүен эйтте, уңышлар теләде.   Уенның беренче этабы “Сорау-җавап”  туры булды, икенче этап – конверт белән сораулар, өченче этап  “Кара тартма” һәм дүртенче  турда капитаннар ярышты. Уен азагында балларны исәпләгәнән соң, җиңүче билгеле булды, ул – Мөслим лицееның “Тапкырлар” командасы! Җиңүче коамандага Мәгариф идарәсенең һәм мәктәптән тыш эшләр үзәгенең мактау грамотасы, истәлек бүләкләре, “Брейн-ринг” уенының күчмә кубогы тапшырылды. Алдагы турларда иң актив катнашкан укучылар да билгеләп үтелде. Алар Марина Бәдретдинова, шәхси эшмәкәр Рүзәл Минһаҗев алып килгән бүләкләргә ия булдылар.

Егет-кызларны  тагын бер тапкыр җиңүләре белән котлыйбыз, киләсе елда кабат очрашырбыз дип ометләнәбез.