Методистлар һәм остәмә белем бирү педагоглары  төп гомуми белем бирү мәктәпләре командалары арасында традицион “Брейн-ринг” уенын үткәрделәр. Уенда ун команда көч сынашты. Уенның беренче этабы  сайлап алу туры булды, икенче этап – конверт белән сораулар, өченче этап – логик турнир, дүртенчедә “Кара тартма” һәм бишенче турда капитаннар ярышты. Бөтен этапларны үтеп бетергәннән соң уенның җиңүчесе билгеле булды – ул Баек мәктәбенең “Знатоки” командасы. Икенче урынны Яңа Усы мәктәбеннән “Зирәкләр” яулады, өченче урында исә Сал. Мухан мәктәбе “Патриотлары”. Җиңүче командаларга мәгариф идарәсенең мактау кәгазьләре тапшырылды. Уенга кунак итеп “Игелеккә бер адым” төркемен оештыручы,  “Мөслим кырмыскасы” КВН командасы җитәкчесе, шәхси эшмәкәр Рүзәл Минһаҗев чакырылды.