Өлкәннәр көне уңаеннан мәктәпкә ветеран укытучылар һәм техник хезмәткәрләр чакырылды . Укытучылар, мәктәпкәчә төркем тәрбиячеләре, ветераннар" Могҗизалар кыры"уенын уйнадылар. Өстәл артында мәктәп тормышындагы кызыклы хәлләрне искә төшерделәр.

Хайваннарны яклау көнендә "Табигать сакчылары" экология отряды активистлары Мөслим районы буенча биоресурсларны саклау, федераль дәүләт күзәтчелеге бүлеге җитәкчесе Владимир Дмитриевич Муринов белән очраштылар. Владимир Дмитриевич укучыларга үзенең эше турында сөйләде, урман җәнлекләре өчен җимлекләр куюын һәм ел дәвамында алар турында кайгыртуын күрсәтте.

3 нче октябрь көнне Зифа Басыйрова исемендәге район мәдәният йортында "Пушкин картасы" проекты кысаларында,  8-9 нчы сыйныф укучылары "Агыйдел" дәүләт җыр һәм бию ансамбле чыгышын карадылар.

1 октябрьдән мәктәптә түгәрәкләр эшчәнлеге башланды. Башлангыч сыйныф укучылары Р. М. Хамматуллина җитәкләгән "Юл әлифбасы" түгәрәгендә бик теләп шөгыльләнәләр.

Мәктәптә беренчеләр советы рәисен сайлаулар узды.
Беренчеләр Советы рәисе итеп бертавыштан 9 сыйныф укучысы Нуриева Аделина сайланды. Шулай ук эшнең төп юнәлешләре билгеләнде, лидерлар һәм юнәлешләр әгъзалары сайланды

17 сентябрьдә тәрбия эшләре буенча директор урынбасары Фәррахова Р. Г. "Үз тормышыңны сакла!" дип аталган класс сәгате үткәрде. Укучылар юллардагы куркынычлар турында сөйләштеләр, викторина сорауларына җавап бирделәр