29нчы октябрь – юлларда имин йөрү көне. Гимназиябездә беренче дәресне башлап җибәргән һәр укытучы дәреснең  5 минутын шул турында сөйләп үткәрде. Укучылар үзләре дә юл йөрү кагыйдәләрен тагын бер кат искә төшерделәр. Бу кагыйдәләрне белү генә түгел, ә төгәл үтәү нинди мөһим икәненә аерым басым ясадылар. Соңгы вакытта шәһәребез һәм республика юлларында булган юл һаләкатләренең саны артуы һәм аларда тән җәрәкәтке алган балаларның еш очравы – куркыныч статистика нәтиҗәләре. Моны беркем дә исеннән чыгармасын иде. Һәркемгә дә: олысына, кечесенә, җыр сүзләренә кушылып, сау йөрегез зур юлларда очрамый хәвефләргә, - дип телисе килә.  Һәркем исән-сау булсын иде!