Бүген, 21нче февраль көнне, Халыкара туган телләр көне уңаеннан Г. Ибраһимов исемендәге гимназиядә чаралар иртүк башланды. Укучылар гимназиягә килгәндә үк, урамдагы кешеләргә бу көннең килеп чыгышы, тарихы, вакыты, әһәмияте, тел кулланылышы турында статистик мәгълүматлар  һәм башка информация туплаган буклетлар өләштеләр. Гимназиянең информацион тактасында да күп кенә материал туплаган гәҗитләр чыгарылган. Көн үзәгендә Г. Ибраһимов исемендәге тел, әдәбият һәм сәнгать институты галимнәре белән кызыклы очрашу булды. Укучылар филология фәннәре кандидаты, тел, галиме Исхакова Зәйтүнә Әсхатовна һәм сәнгать белеме кандидаты, өлкән фәнни хезмәткәр Улемнова Ольга Львовна белән аралашып, тел, әдәбият,  сәнгать турында булган белемнәрен тагы да баеттылар, тулыландырдылар.