Бүгенге көндә гимназиядә 480 укучы белем ала. 480енең дә үз исеме бар. Исемнәрен аларга кем кушкан, бу сүз кайсы телдән кергән, аның мәгънәсе нәрсә аңлата һәм, гомумән, укучыларыбызга үз исемнәре ошыймы? Шушы сорауларга җавап табу максатыннан, гимназия күләмендә “Исемнәр бакчасында” дип аталган проект эшләдек. 480 чәчәк таҗларыннан торган бу бакча бик матур булып балкып тора. Бигрәк тә башлангыч сыйныф укучылары “бакча” янына еш җыела. Аларның чәчәк таҗларында әти-әниләрнең дә ярдәме сизелә. “Исемең матур, кемнәр куйган?” – бу сорауга җавабың булмаса, әйдә гимназиягә кунакка кил. 480 исем арасында синеке дә булмый калмас!