...Сабантуе - хезмәт туе,
Шатлык һәм бәхет туе,
Уйнап,биеп,жырлап-көлеп,
Бәйрәм иттек көн буе!
Сабантуй бәйрәме-татар халкының иң олы бәйрәмнәренең берсе. Ул- хезмәт һәм дуслык бәйрәме. Бу бәйрәмне һәркем көтеп ала, бигрәк тә балалар. Безнең балалар бакчабызда да бу бәйрәм ел саен зурлап уздырыла. Быел да бакчабызда,гореф-гадәтләрне саклап,балалар өчен матур бәйрәм үткәрдек.
Милли кием кигән балалар һәр төркемгә тукталып бүләкләр жыйдылар, олысын-кечесен бәйрәмгә дәштеләр.
Ә бәйрәмебез яшел үләнле матур мәйданчыкта үткәрелде. Бертуктаусыз милли көйләр яңгырады.
Балалар бик күп төрле татар халык уеннары уйнадылар: кашыкка йомырка куеп йөгерү, аркан тартышу, капчык киеп йөгерү,чүлмәк вату, көянтә белән су ташу һ.б. Барлык балалар да уеннарда бик теләп катнаштылар. Бәйрәмебездән бер бала да күчтәнәчсез китмәде,әлбәттә. Үткәрелгән чара балаларның күнеленә бик хуш килде. Балалар да,өлкәннәр дә бәйрәмебездән күтәренке кәеф белән таралышты.