Учащиеся нашей школы участвовали в муниципальном конкурсе творческих работ "На страже Отечества"

Борын-борын заманнарда безнең  бабаларыбыз балачакта матур-матур уеннар уйнап үскәннәр. Уеннар һәрвакыт халыкның үткән заманнардагы көнкүрешен, тормышын чагылдыралар. Әмма уеннар тормыш вакыйгаларын гына кабатламый, алай гына булса, уенның бер кызыгы да булмас иде. Алар да, әкиятләр, җырлар кебек үк, буыннардан - буынга күчә–күчә шомарганнар, аларга яңа кызыклы вакыйгалар, сүзләр, хәрәкәтләр өстәлгән. Шулай итеп уен мавыктыргыч, кызыклы булып киткән. Туган  телләр  көне  уңаеннан  башлангыч  сыйныф укучылары белән “Татар милли уеннары” дигән  темага уен – әңгәмә  уздырылды. Чарада  укучылар  татар  халкының  җырлы –биюле  уеннарын уйнадылар.

Тел – гомерлек юлдашыбыз. Кешенең бөтен тормышы тел белән бәйле. Туган тел төшенчәсенә зур мәгънә салынган. Ул – Ватан, туган җир, ата-ана сүзләре белән бер үк дәрәҗәдә торучы бөек, изге, кадерле сүз. Халыкара  туган  телләр  көне  уңаеннан  “Туган  телем – иркә  гөлем”  дигән   әдәби – музыкаль  кичә  уздырылды.

Туган тел. Һәркем өчен дә газиз сүз бу. Чөнки иң кадерле, бернәрсә белән дә алыштырылмый торган “әни”, “әти”,”әби”, “бабай” сүзләрен башлап туган телдә әйтәбез. Туган үскән ил-җирнең якынлыгын, Ватанның газизлеген без туган тел ярдәмендә тойганбыз. Шагыйрьләребезнең матур-матур шигырьләрен ятлап, әле дә куанабыз, рухланабыз. Халыкара туган телләр көне  уңаеннан мәктәптә  “Минем  телем – минем  халкым” дип  исемләнгән  шигырь  укучылар  бәйгесе  уздырылды.

Туган  телләр  көне  уңаеннан “Туган  телдә  җырлыйбыз”  дигән  җыр   ярышы  уздырылды.  Чарада укучылар  туган  телдә  матур  итеп  җырладылар. “Мирас”  ансамбле  ярышта  җиңү  яулады.

Одной из главных целей в воспитательной деятельности нашей школы является воспитание гражданско-патриотических качеств у школьников. Для реализации этой цели систематически организуются мероприятия, несущие гражданскую и военно-патриотическую направленность. В рамках военно-патриотического месячника среди учащихся 1-9-х классов   было проведено  школьное первенство по теннису.
Хәрби- патриотик айлык кысаларында мәктәптә теннис ярышлары булып узды.

Патриотик  айлык  кысаларында  шефлык  эше  дәвам  итә.

Мәктәбебез  укучылары 17 нче февраль көнне шәһәрнең 2 нче урта мәктәбендә «Милли мәдәниятләр һәм гореф-гадәтләр» елы кысаларында Туган телләр көненә багышланган чарада  катнаштылар. Алар «Җырлыйм туган телемдә, сөйлим анам телемдә», «Телне өйрәнүгә, саклауга реклама» «Һәр җәүһәрдә – халкым тарихы» номинацияләрендә үзләренең осталыкларын күрсәттеләр  һәм  “Туган  телне  саклауга  иң  яхшы  реклама  ясаучы”  номинациясендә җиңү  яуладылар.

Нәрсә соң ул батырлык? Аның төп мәгънәсен һәркем үзенең тормышка карашларыннан чыгып, үзенчә аңлый. Ә шулай да, батырлык ул, мөгаен, гадәти күзлектән караганда һич кенә дә кеше башкара алмастай эшне башкарудыр. Ул кешедән чиксез ихтыяр көче, тәвәккәллек, үз-үзеңне аямауны таләп итә.

15 февраль – Совет гаскәрләрен Әфганстаннан чыгарган көн.
Минзәлә районыннан барлыгы 78 якташыбыз Әфганстанда хезмәт иткән. Аларның икесе - Дамир Латыйпов һәм Михаил Кириков - өйгә кайту бәхетенә ирешмәгәннәр. Кадрәк  авылы  җирлегеннән  дә  Әфганстанда  хәрби  бурычларые  үтәгән  егетләребез  шактый.
Шушы  уңайдан  мәктәптә “Әфган  яралары”  дип  исемләнгән әдәби- музыкаль очрашу  уздырылды.  Чарада  укучылар үзебезнең  җирлектән   Әфган җирендә барган сугышларда катнашкан  якташларыбыз  Фәттахов  Илсур  һәм  Пахомов Олег  катнашты. Алар  үзләренең истәлекләре  белән  уртаклаштылар. Шулай ук  үзебезнең  җирлектән   Әфган җирендә барган сугышларда катнашкан  якташларыбыз  турында сөйләштек. Азатлык өчен көрәштә гомерләре өзелгән батырларның истәлеген кадерләп саклыйк. Аларның исеме, онытылмас эшләре, якты маяк булып, буыннардан буыннарга күчсен!

15 февраль – герой-шагыйрь Муса Җәлилнең туган көне.
Ул — татар халкының сөекле улы, шигырьләре белән фашизмга каршы аяусыз көрәш алып барган бөек шагыйрь. Мәктәптә әлеге истәлекле датага багышлап «Җыры  белән  җиңде  дошманны” дип  исемләнгән  әдәби-музыкаль  кичә  уздырылды. Чарада  «Тормышы җыр кебек» электрон презентациясе, « Ул-дәвернең батыр сугышчысы, ул-заманның бөек җырчысы » китап күргәзмәләре аша укучылар  шагыйрьнең тормыш юлын, балачак, үсмер елларын,  иҗатын тагы бер тапкыр искә төшерделәр, шигырьләрен яттан сәнгатьле итеп  сөйләделәр.