3 сентябрь көнне 8 нче “Сандугачым” балалар бакчасы яңа уку елы башлануын капиталь ремонттан ачылу тантанасы белән бергә билгеләп үтте. Бәйрәм кунаклары Фролов В.Н. подрядчик Готин Ю.А ремонт эшләренең сыйфатлы башкарылуын искәртеп үттеләр, матурлыкны зурларга да, балаларга да сакларга чакырдылар. Бакча балалары тарафыннан әзерләнгән кечкенә генә чыгышлар, матур бизәлеш, музыка бәйрәм танатанасын тагын да тулыландырды. Бакча мөдире Гудовская Г.С. ремонт эшләрен башкаруга зур өлеш керткән район башлыгына, төзүчеләргә рәхмәтен белдерде. Бакчаның әле бик күп еллар чәчәк атып торуын теләп балалар һавага шарлар очырдылар. Ачылу танатанасына килгән һәрбер кешегә бакча буйлап сәяхәт итү мөмкинлеге бирелде.