1 сентябрь - беренче кыңгырау бәйрәме. Бу мәктәп бусагасын беренче тапкыр атлап керүчеләр өчен иң көтелгән көн. Бу-беренче сыйныф укучылары һәм чыгарылыш сыйныф укучылары өчен бәйрәм. Тегеләре дә, болары да бөтенләй яңа тормышка аяк басарга әзер. Шуңа күрә бу көн алар өчен иң дулкынландыргыч һәм истә калырлык көн. Бу бәйрәм парта артына беренче тапкыр гына утырмаучылар өчен дә, ә озын, ләкин шундый кызыклы, ачышлар белән тулы мәктәп юлы буйлап чираттагы адымны ясаучылар өчен дә... Халыкара Белем көненә багышланган традицион линейка быел да тантаналы һәм матур булды. Бәйрәмне директорның уку эшләре буенча урынбасары Васильева Татьяна Михайловна ачып җибәрде . Ул укучыларны бәйрәм чыгышы белән сәламләде һәм аларга киләсе уку елында уңышлар теләде. Чакырылган кунаклар шулай ук "Сандугачым" 8 нче балалар бакчасы мөдире Мөхәммәдиева Лилия Камил кызы һәм "Яшьлек"яшьләр үзәге директоры Гриненко Андрей Владимирович чыгыш ясадылар. Шигырьләр һәм котлаулар яңгырады.Яңа уку елы башлануы турында күптән көтелгән мәктәп кыңгыравы хәбәр итте. Быел аны 9 нчы сыйныф укучысы Косынкин Владислав һәм 4 нче сыйныф укучысы Лимова Лиза бирделәр. Без барыбызны да шушы искиткеч көн белән котлыйбыз. Хәерле юл сезгә! Хәерле юл барыгызга! 1 сентябрь – бәйрәм! Һәрвакыт Сезнең белән булган бәйрәм!