2022 нче елның 28 нче гыйнварында безнең мәктәптә, авыл китапханәсе белән берлектә, җитәкчесе Степанова В.С. "ПУМИСЬКОН"дип исемләнгән күргәзмә ачылды. Чара кысаларында укучыларның кул чугу осталары, Рәссамнар-Николай Иванович, Ольга Александровна һәм Мария Ивановна Фадеевлар белән иҗади очрашуы узды. Рәссамнар балаларга үз иҗаты турында сөйләделәр һәм бик теләп күп сорауларга җавап бирделәр. Николай Иванович балалар сәнгать мәктәбендә ул оешканнан бирле эшли. Чын педагог-рәссам, ул даими рәвештә иҗади эзләнүдә, аның сәнгать әсәрләре шәһәрдә дә, аннан читтә дә төрле күргәзмәләрдә куела. Николай Ивановичка романтик реализм якынрак, пейзажлар ясарга ярата.Ольга Александровна 1991 елдан дизайн, скульптура, декоратив-гамәли сәнгать, рәсем сәнгате, станок композициясе укыта. Иҗади яктан үз эшенә карый, тәрбия һәм белем бирүнең иң нәтиҗәле ысулларын үз эшенә кертергә омтыла. Ольга Александровна этнофутуризмны һәм сюрреалистик юнәлешләрне өстен күрә. Эшләрдә барыннан да ешрак натюрмортлар очрый. Мария Ивановна-рәссам, сәнгать салоны җитәкчесе, халыкара Дизайнерлар берлеге Ассоциациясе әгъзасы. Ул Яр Чаллының «Энергетик» мәдәният сараенда төрле күргәзмәләр оештыра. Рәссам лирик пейзажны өстен күрә. Әлбәттә, рәссам турында иң яхшысы аның эшләре сөйли. Без, күргәзмәдә булганнан соң, балалар иҗади заряд алдылар дип ышанабыз . Бу танышу укучыларга үзләре өчен югары сәнгать дөньясын ачарга ярдәм итәр, дип ышанабыз. Очрашу бик файдалы, күңелле һәм эчтәлекле булды.