Музыка залында җыелган әбиләрне  котлау йөзеннән балалар һәм бакча хезмәткәрләре тарафыннан концерт оештырылды. Аларның чыгышларында иң газиз кешеләр, әти-әниләргә тормыш бирүчеләр – дәү әти, дәү әниләргә карата ихтирам хисләре ачык чагылды. Балаларның  ялкынлы биюләре, шатлыклы җырлары әбиләрнең күңеленә хуш килде. Өлкән буын кешеләре булсалар да, кунаклар утырып кына тормадылар, балалар белән бергә уеннарда катнаштылар. Концерттан соң, алар чәй өстәле артында яшь чакларын искә төшереп утырдылар. Әбиләребез  бәйрәмне бик ошатып, рәхмәтләрен белдерделәр.