Участник республиканского конкурса молодых писателей имени Мансура Шигапова - 2023 в номинации "Проза" ученик 10 класса Фархуллин Амир был награжден дипломом Гран - при. Желаем дальнейших успехов в его творчестве!
Руководители: Альмеева Г.Н., Шигапова Л.К.

17нче март көнне Мамадыш районы Түбән Яке авылы мәдәният йортында "Мансур Шиһапов исемендәге яшь каләмчеләрнең республикакүләм иҗади конкурсы - 2023" гөрләде. Әйе, гөрләде... Табигать тә уянды. Яз башы. Кар астыннан язгы гөрләвекләр ничек акса, Түбән Яке мәдәният йортында да иҗат чишмәләре шулай челтерәп акты. Бу бәйгедә илледән артык иҗади эшләр каралган. Бер генә бала да, укытучы да бүләксез, дипломсыз калмады. Һәрбер шушы бәйгедә катнашкан, күңеле белән иҗатка омтылган балалар һәм укытучылар канатлар үскәндәй, яңадан - яңа бәйгеләргә катнашырга дип, хыялланып кайттылар. Безнең укучыбыз Фәрхуллин Әмир бу бәйгедә иң югары нәтиҗә - Гран - при дипломына ия булды. Без аны ихластан котлыйбыз. Әмирнең уңышларына шатланабыз, рәхмәт белдерәбез. Укучыбызның иҗат чишмәсе саекмасын, киләчәктә журналист буларак, үзенең иҗади эшчәнлеген дәвам итсен , максатына ирешсен иде, дигән теләктә калабыз.
Бу бәйгене башлап йөрүче, оештыручы - "Ватаным Татарстан" гәҗите журналисты Гөлгенә Мансур кызы җитәкчелегендәге иҗат коллективына, жюри әгъзаларына, үз өлешен керткән барлык хезмәткәрләргә чиксез рәхмәтебезне белдерәбез.