9, 11 нче классларның дәүләт (йомгаклау) имтиханнары әкренләп кими бара.  18нче июньдә 11 нче классукучыларры соңгы имтиханнарын тапшырачак. Кайбер имтиханнарның нәтиҗәләре билгеле инде. Укучылар да, укытучылар да бу нәтиҗәләрдән канәгать.

1 июньнән-18 июньгә кадәр җәйге ял-сәламәтләндерү лагеры эшли. Анда 15 бала ял итәчәк. Лагерь начальнигы Котдусова Илсөяр Исмәгыйловна җитәкчелегендә укучылар өчен төрле кызыклы ял итү программасы төзелде. Лагерьда тәҗрибәле вожатыйлар эшләяәк.

Мәктәптә Соңгы звонок бәйрәме булды. 9 нчы класстан 12 укучы, 11 нче класстан 4 укучы дәүләт (йомгаклау) аттестациясенә кертелделәр.

Укучылар өчен Балар Сабантуе оештырылды. Укучылар ел буе эшләгән эшләренә отчет ясадылар. Татар халык уеннарын уйнадылар, төрлечә көч сынаштылар.

Бөек Җиңүнең 67 еллыгына багышланган митингка тыл һәм сугыш ветераннары чакырылды. Укучылар көче белән әдәби-музыкаль монтаж һәм концерт номерлары әзерләнде. Укучылар митингтан соң авыл урамы буйлап парадка чыкты.

21.04-28.04 мәктәпкүләм язгы шәфкатьлелек атнасы булды. Атналыкта 7-8 класс укучыларыннан  2 отряд эшләде.  Алар  башлангыч классларда "Яхшылык кыл" дигән әңгәмә уздырдылар. 6-11 класс укучылары өлкәннәргә, тыл вереннарына ярдәм иттеләр. Бөек Җиңү көне уңаеннан сугыш һәм тыл ветераннарына котлау открыткалары ясалды, стенгазета чыгарылды. Һәр отряд балалар бакчасында тәрбияләнүче балаларга халык әкиятләрен сәхнәләштерде, концерт номерлары күрсәтте. Атналык мәктәпкүләм язгы эш өмәсе белән тәмамланды. Мәктәп һәм мәктәп яны территорияләре чүп-чардан чистартылды.

Безнең мәктәптә математика атналыгы.

Каникуллар да килеп җитте

"Нәүрүз" бәйрәме булып узды.

Мәктәп күләмендә ярминкә оештырылды.