9 май көнне илебез халкы 1945 елның язын искә алып, Ватанга Җиңү алып килгән батырларыбызга рәхмәт йөзеннән ел да зур бәйрәмгә җыела.  Бөек Җиңү көне уңаеннан оештырылган төрле чаралар берничә көн алдан башлана. Безнең Шәдче җирлегендә дә бу зур бәйрәм– Шәдче мәдәният йортында билгеләп үтелде. Биредә истәлекле көн хөрмәтенә матур бәйрәм чаралары үткәрелде. Тантаналы өлеш районнан килгән кунак, авыл җирлеге башлыгы, ветераннар советы рәисе котлауларыннан башланып китте . Балалар һәм мәдәният хезмәткәрләренең  чыгышлары белән бәйрәм чарасы дәвам итте. Бәйрәмгә тыл ветераннары, сугыш елы балалары, Әфган сугышы ветераннары, СВО да хәрби бурычларын үтәүче ир – егетләребезнең  әти- әниләре чакырылган иде. Билгесез солдат һәйкәленә тантаналы рәвештә чәчәкләр, венок салынды.