Нәүрүз - татар халкының иң матур йола бәйрәмнәренең берсе, ул 21 мартта көн белән төн тигезләшкән көнгә туры килә. Бу бәйрәм безнең төбәкләрдә, язны каршылап, язгы чәчү эшләре алдыннан үткәрелә торган халык бәйрәме булып санала. Ул - дуслык, киң күңеллелек, кунакчыллыкны үз эченә ала. Нәүрүз - фарсыча "яңа көн" дигәнне аңлата, икенче төрле язгы Яңа ел дип тә әйтәләр. Бу көнне кешедәр кунак чакыралар, бер-берсенә булган ачу-үпкәләрне оныталар, җырлыйлар һәм бииләр, рәхәтләнеп күңел ачалар, уеннар уйныйлар. Бәйрәм хуҗасы - Нәүрүзбикә. Фолҗклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбиясе уятырга, борынгы гореф - гадәтләрне онытмаска ярдәм итә.