Кичә мәктәптә дәүләт автоинспекциясе вәкилләре белән очрашу узды. Алар юл йөрү кагыйдәләрен искә төшерделәр.

10 нчы сыйныф укучылары 8 март бәйрәменә күңелле концерт номерлары куйдылар. 

Бүген 1-5 нче сыйныф укучылары арасында  хәрби-патриотик "Аҗаган" уены уздырылды. 1 нче һәм 4 нче сыйныф укучыларыннан торган "пограничник"лар командасы җиңү яулады. Зиннатова Ангелина байракны беренче эзләп тапты.

Кичә безнең мәктәп вокаль ансамбле Мамадыш шәһәрендә уздырылган "Нократ дулкыннары" исемле конкурста катнашып 3 нче урынны яуладылар. Котлыйбыз аларны.

Бүген мәктәбебездә "Зарница-2017" хәрби-патриотик уенының зона туры узды. Җөри, Шәдче, Шыя, Кляуш, Дүсмәт мәктәпләреннән командалар килде. Безнең мәктәп командасы 1 нче урынны яулады. 4 мартта алар райода чыгыш ясаячаклар. Аларга уңышлар телибез.

Бүген 8-11 нче сыйныф егетләре арасында "Ягез әле, егетләр" хәрби уены узды. Барлык командалар да яхшылап әзерләнгәннәр. Молодцы! Барыгызны да бәйрәм белән котлыйбыз.

21 нче февраль көнне мәктәбебездә поисковый отряд белән очрашу булды. Алар Бөек Ватан сугышында һәлак булган билгесез солдатларны эзләү белән шөгельләнәләр.

Бүген тарих һәм җәмгыятҗ белеме укытучысы Сайфуллина Чулпан Рашатовна " Профессиональ мастерлык" конкурсының муниципаль  турында катнашты. Анда 12 класс җитәкчесе үзара көч сынашты. Чулпан Рашатовна да югалып калмады, үзенең бөтен сәләтен күрсәтте. 

Шимбә көнне мәктәбебез укучылары, укытучылары "Авыл яшьләре" уеннарында катнаштылар. Бик күп призлы урыннар яуладылар. Котлыйбыз аларны. Без сезнең белән горурланабыз. 

Бүген  мәктәбебездә 9-11 нче сыйныфлар һәм укытучылар командасы арасында волейбол ярышы узды.Барлык командалар тырышып уйнадылар.Җиңү җиңел бирелмәде. 1 нче урынны 11 нче сыйныф яулады.