“        Туган телләр һәм халыклар бердәмлеге елы”  бакчабызда матур тәрбияви чаралар уздырырга зур мөмкинлекләр  бирде. Бөек шагыйребез Габдулла Тукайның тууына 135 ел тулу уңаеннан “Ак калфак” иҗтимагый оешмасы белән берлектә җирле шагыйрьләр белән очрашу үткәрдек. Балаларыбыз ана телендә матур итеп татарча җырлар башкардылар, шигырьләр укыдылар. Шигырь язучы абый-апалар белән таныштылар.  Бу бәйрәмнең максаты – балаларда Туган телебезгә ихтирам, мәхәббәт тәрбияләү. Чөнки бары тик үз көчебез белән генә туган телебезне саклап кала алабыз, милләтебезнең бүгенге торышы гына түгел, аның киләчәге дә безгә бәйле.