Кызыл Тау авыл җирлеге мәдәният йортында "Ак калфак" иҗтимагый  оешмасы белән берлектә "Мин татармын, мин бит татар баласы" дигән конкурсның зона туры  үткәрелде. Бу конкурста кечкенәләр төркеменнән Мифтахутдинова Ралия гаиләсе, уртанчылар төркеменнән Даминова Зарина гаиләсе, зурлар төркеменнән  Вахитова Замирә гаиләләре катнашты. Алар үзләрен тәкътим иттеләр, милли киемнәр турында сөйләделәр һәм музыкаль номер башкардылар, Безнең "Миләшкәй" балалар бакчасы балалары барлык номинацияләр буенча да 1 нче урынга лаек булды. Катнашкан гаиләләрне, балаларны һәм тәрбиячеләрне бу җиңүләре белән котлыйбыз, алга таба да уңышлар телибез.