27нче гыйнварда Бөек Ватан сугышы чорында Ленинград шәһәре фашистлар камалышыннан азат ителеп бетү көне билгеләп үтелә. Бу илебез тарихындагы иң куркыныч, фаҗигале вакыйгаларның берсе булып тора. Герой-шәһәрнең азат ителүенә шатланабыз, шул ук вакытта ачлыктан, салкыннан, бомбалардан хәлак булган бик күп кешеләрне кызганып искә алабыз, исән калучыларның түземлекләренә, батырлыкларына сокланабыз.
Әлеге көнне зурлар-мәктәпкә әзерлек төркеме тәрбияләнүчеләр видеоролик һәм әңгәмә аша авыр вакытларны искә алып, күз алдына китерергә тырыштылар, 125 грамм ипинең ач кеше өчен ни кадәр кадерле һәм тәмле булуын аңларга омтылдылар.
Балаларыбыз тарихыбызның фаҗигале чорларын белеп, хәтердә калдырсыннар, икмәкнең, ризыкның кадерен белеп үссеннәр, тук тормышта сөенеп яшәсеннәр иде дигән теләктә калабыз.