Күпсанлы бәйрәмнәр арасында, Әниләр көне үзенчәлекле урын алып тора. Бу бәйрәм беркем дә битараф калдырмый. Бу көнне мәхәббәт, игелек һәм наз бүләк итүче барлык әниләргә рәхмәт сүзләре әйтәсе килә. Безнең балалар бакчасында зурлар һәм әзерлек төркемендә әниләребезгә багышланган бәйрәм чарасы узды. Җылы бәйрәм атмосферасында балалар әниләре белән бергә җырладылар, биеделәр һәм уйнадылар. Балалар әниләргә үз куллары белән ясаган бүләкләрне бүләк иттеләр. Бу очрашу бәйрәмдә катнашучыларның йөрәкләрендә озакка калачак!