Театр - ул тылсым дөньясы!Театрда хыяллар тормышка аша, күңелләр рухи азык ала.Театр сәнгате кешелэр арасында дуслыкны да арттыра, берләштерә, халкыбызның рухын ныгыта, теленә, гореф-гадәтенә мәхәббәт уята.

27 мартта Бөтендөнья театр көне билгеләп үтелә.  Театр мәктәпкәчә яшьтәге балаларның сәнгать өлкәсен кабул итүнең иң якты, матур һәм аңлаешлы өлкәләрнең берсе булып тора. Театрлаштырылган эшчәнлек балаларга ачылырга ярдәм итә, сүз байлыгын үстерә һәм баланың эчке дөньясын баетып, көндәлек тормышына онытылмаслык төрлелек кертә.

Бу көнне балалар бик теләп театральләштерелгән уеннар уйнадылар, яраткан әсәрләренең өзекләрен сәхнәләштерделәр, атрибутлар ясадылар.  Мәктәпкә әзерлек төркем балалары «Кызыл калфак» әкиятен татар телендә сәхнәләштерделәр. Яшь актерлар әкият геройларына әверелүдән канәгатьләнү хисе алдылар, ә тамашачылар әкият белән очрашуга бик шатландылар.

Бәйрәмнәр һәм әкиятләр- балаларга образлар, төсләр, тавышлар дөньясын ача торган ишекнеңискиткеч ачкыч ул.Бу иҗат балалардан хезмәт һәм уйланма, ә олылардан   костюмнар һәм декорацияләр уйлап табуда фантазия таләп итә .Балалар бакчасында театр көне әнә шундый кызыклы килеп чыкты!