Гадәттә, каникуллар вакытында балаларның урамда яки көнкүреш шартларында имгәнүләре күзәтелә, травма алу куркынычы арта.
Балаларга кичке сәгать 10нан иртәнге 6га кадәр өлкәннәрдән башка урамда йөрергә рөхсәт ителми. Җәяүле балалар юл һәлакәтләренә сәбәпче булмасын. Сабыйлар куркынычсызлык турында онытып, юлда шаярышып уеннар да оештыралар. Юл йөрү кагыйдәләрен балаларга кабат искәртеп алыгыз. Кичләрен караңгы бик тиз төшә. Саклык өчен киемнәренә яктылык кайтаручы элементлар ябыштыру кирәк.
Автомобильдә йөргәндә куркынычсызлык каешларын эләктерү, балаларны махсус җайланма-автокреслода йөртү шарт.
Кышкы уеннар куркынычсызлыгына килгәндә, балалар текә hәм бозлы тауда чаңгыда шумасыннар. Тимераякта махсус җиһазландырылган шугалакларда гына шуарга ярый. Ачык сулыкларда йөрү катгый тыела! Түбәләрдән асылынып торган боз сөңгеләре дә сәламәтлек өчен куркыныч. Мондый урыннарны читләтеп үтү кирәк.
Балаларга пиротехниканы мөстәкыйль сатып алу һәм аны өлкәннәр контроленнән башка куллану тыела. 18 яшькә кадәрге балаларга петардалар, фейерверклар, шартлаткычлар куллану рөхсәт ителми. Чыршыны да тиз янып китмәүче уенчыклар белән генә бизәргә кирәк. Бина эчендә бенгаль утлары кабызырга, хлопушка һәм балавыз шәмнәре кулланырга рөхсәт ителми. Яңа ел бәйрәмнәре һәм каникуллар чорында салкын тидереп, грипп авыруларын да кисәтергә онытмагыз.