Уңга карасаң да, сулга борылсаң да, өстәлдә дә, телдә дә - бәрәңге! Кайда икән мондый хәл, дисәгез, бу узган атнада Ландыш бакчасында үткән «Бәрәңге бәйрәме»ндә. Мондый бәйрәм турында ишеткәнегез булмагандыр да әле. Ландыш бакчасы бу көнне рәхәтләнеп күңел дә ачкан, бәрәңге запасларын да тулыландыра алган.

Бәйрәм бик күңелле, үзенчәлекле һәм кызыклы узган.

Әлеге бәйрәмнең кунагы,  табыныбызның патшасы  - бәрәңге булды.

Убырлы карчык белән берлектә күңелле эстафеталы уеннар үткәрелде, такмаклар җырланды.

Бәйрәм азагында балалар һәм кунаклар тәмле бәрәңге ризыкларын авыз итте. Балалар күңел ачып кына калмады, бәрәңге турында белемнәрен арттырдылар.