Балаларның танып белү үсешендә, экологик мәдәният тәрбияләүдә, табигатьтә үз-үзеңне дөрес тота белергә өйрәтүдә тәрәзә төбендә “бакча” үстерү зур әһәмияткә ия. Ул балаларда кызыксынучанлык һәм күзәтүчәнлек үсешенә һәм үсемлекләр тормышын яхшырак белергә ярдәм итә. Үсемлекләрне күзәтеп, бала яшел үсентенең дә тере җан иясе булуын, аның тормышы, салкын яки җылы су сибәргәме, күп яки азмы, тулысынча шуңа бәйле булуын күрә башлый.