Без татар мохитында яшибез. Татар теле – төп аралашу телебез. Татарстан Республикасында ике дәүләт теле булганлыктан, рус телен дә белергә тиешбез.

Шул уңайдан,  “Ландыш” балалар бакчасында рус теле атналыгы узды. Атналык кысаларында бик күп чаралар үткәрелде. Һәр көн кызык һәм эчтәлекле булды. Тәрбиячеләр тарафыннан “Изучаем русский язык”, “Минем яраткан экиятем” стендлары әзерләнде, рус теленә өйрәнүгә багышланган газеталар белән коридор бизәлде. Балаларга рус телендә үткәрелгән бармак уеннары, дидактик уеннар, физик ял сәгатьләре аеруча ошады. Рус телендәге мультфильмнарны яратып карадылар. Атналыкны йомгаклап, балалар өчен бәйрәм иртәсе оештырылды. Музыка җитәкчесе Ганиева Наилә  балаларны музыка уен кораллары белән таныштырды, тавышларын, ничек яңгыраганлыкларын тыңлатты. “Лучший чтец” бәйгесендә балалар русча шигырьләрне сәнгатьле сөйләп лаеклы урын алдылар.Уртанчылар төркеме балалары кашыклар белән рус халык биюен, “Самовар”, "Заря-заряница" уеннары,  рус халык җыры белән кечкенәләр төркемен сәламләделәр.

... “Пушкин илә Лермонтовтан үрнәк алам, әкрен-әкрен югарыга үрләп барам,” – дигән татар халкының бөек шагыйре Габдулла Тукай. “Ландыш” балалар бакчасында тәрбияләнүчеләр дә әлеге атнада рус телен өйрәнергә теләкләрен күрсәттеләр.