Соңгы вакытта шәһәребездә автотранспорт саны, юллардагы машина хәрәкәте көннән-көн арта. Шуның нәтижәсендә балаларның юл-транспорт һәлакәтенә юлыгу куркынычы да арта. Ә бу исә, үз чиратында балаларга юл йөрү куркынычсызлыгы кагыйдәләрен өйрәтүне бик житди мәсьәлә икәнен күрсәтә.Кече яшьтә алган күнекмәләрне бала онытмый, яхшы үзләштерә. Юл йөрү күнекмәләрен өйрәтү гаилә, балалар бакчасы һәм ГИБДД хезмәткәрләре белән берлектә алып барганда нәтижәлерәк икәнен безнең Ландыш балалар бакчасында күптән төшенделәр инде.Бакчабызда махсус жиһазландырылган бүлмәбез бар. Анда балаларга юл йөрү кагыйдәләрен өйрәтү өчен светофор, юл билгеләре, магнитлы такта, машиналар, велосипедлар, киемнәр бар.  Күптән түгел шундый очрашуларның чираттагысы булды.  Балалар үзләрен тирә-юньдә ориентлашу, юл хәрәкәте кагыйдәләре һәм юл билгеләре буенча үзләштергән белемнәрен театральләштергән эшчәнлек аша күрсәттеләр, шулай ук балалар уйлау, фикер йөртү ярдәмендә юл йөрү кагыйдәләре буенча тәрбияче биргән ситуацияләрне чиштеләр, өйрәнгән белемнәрен практикада кулланып күрсәттеләр.