Тормышта аянычлы хәлләр булгалап тора.. Мондый хәлләрнең сәбәпләре төрлечә. Шулар арасында - сабыйларның ачык тәрәзәдән егылып төшү очраклары. Шундый аянычлы хәлләр килеп чыкмасын өчен  әти-әниләргә үзебезнең киңәшләребезне җиткерәбез. Менә алар:

• Өйдә сабый бар икән, тәрәзәләрне тулысы белән ачык калдырмагыз – я өстәге форточкадан, я җилләтүнең вертикаль режимыннан файдаланыгыз;
• Тәрәзәләрдә махсус замоклар яки рәшәткәләрдән файдаланыгыз;
• Тәрәзәләрне бала ача алмаслык итеп блокировкалагыз – аның тоткасын алып, яшереп куярга була;
• Бала тәрәзә төбенә үрмәләп менәрлек мебельне – урындыкларны, кроватьне, комодларны тәрәзәдән ераккарак күчерегез;
• Ачык тәрәзә янында сабыйны кулда тотып тормагыз – берәр кызыклы әйбер күреп, шуңа үреләм дип, сабый кулдан ычкынырга мөмкин;
• Баланы игътибарсыз калдырмагыз – аңа я абыйлары, апалары яки нәнәй-картәтиләре күз-колак булсын.
• Баланы тәрбияләгез – аңа ачык тәрәзәнең ни өчен куркыныч булуын аңлатыгыз.
• Онытмагыз – москит челтәре бәләкәй баланың гәүдә авырлыгын күтәрә алмый!

Хәвефсезлекнең гади кагыйдәләре, игътибарлы булу сабый гомерен саклап калырга булышлык итә.

Хөрмәтле әтиләр! Түбәндәге гади генә эшләрне эшләп куярга онытмагыз:

• Тәрәзәгезгә “тросовый” дип аталучы чикләүгеч яки балалар замогы куярга онытмагыз.
• Бала москит челтәренә таяна алмаслык булсын!
• Баланың балкон тәрәзәсенә үрмәләвенә юл куймагыз.