Әкият, әкиятче, әкияти дөнья... Бу сүзләрдә тылсым, сихри көч, зирәклек һәм тапкырлык, батырлык һәм башка сыйфатлар чагыла. Әкиятләр бик күптән яшәп, гомер итеп килә. Әкиятләр белән без сабый чактан ук таныш: аларны безгә газиз әниләребез, әбиләребез йоклар алдыннан сөйләгән. Ни генә юк ул әкиятләрдә: явыз убырлы карчык, диюләр, аҗдаһалар, оча торган паласлар...

Тәрбияче Хабибрахманова Г. Г.  “Ландыш” балалар бакчасына йөрүче балаларны әкият дөньясына сәяхәткә чакырды. Алар экрандагы  Һәм кунакка килгән  әкият геройларын таныдылар. Табышмаклар чиштеләр. Әкият геройлары белән төрле халык уеннарын уйнадылар. 

 Әкиятләр балаларны яхшылыкка,  кешелекле булырга, тапкыр булырга өйрәтәләр. Дөреслекнең һәрвакыт җиңәсенә ышанырга өндиләр. Әкиятләр халкыбызның рухи байлыгы, культурасы, тарихы. Ул үткән белән киләчәк буынны бәйли.