Хасанова Гөлгенә Илсур кызы һәм Хабибрахманова Гузалия Гыйлметдин кызы балалар белән  "Сак бул - ачык тәрәзә !" дигән темага ачык һавада әңгәмә үткәрделәр.

Балалар белән куркынычсызлык кагыйдәләре турында  сөйләшкәндә, тәрбиячеләребез  әлбәттә, мисаллар куп китерә, видеоязмалар,рәсемнәр карыйлар. Куркынычсызлык кагыйдәләрен үзләштерү күп төрле «ярамый» дигән сүзләр белән тыгыз бәйләнештә тора. Өлкәннәр үзләре дә сизмәстән: «тимә», «кит», «ярамый» дигән сүзләрне еш кына кабатлыйлар. Ата-аналар белән эңгәмәләр һәм инструктажлар үткәрелде.

Сак бул - ачык тәрәзә һәм балалар!

Тәрәзәдән егылып төшүләрнең бигрәк тә соңгы елларда артып китүе ни белән бәйле соң? Фаҗигаләр пластик тәрәзә куйдыру таралыш алгач күбәйгән икән. Бер яктан, яңа тәрәзәләр уңайлы да, җылыны да яхшы саклый. Шул ук вакытта кечкенә балалары булган кешеләр өчен алар зур куркыныч тудыра.

Фаҗига булдырмас өчен берничә кагыйдәне ныклак үтәргә кирәк:

Баланы бер генә минутка да үз яныңнан җибәрмичә тотып булмый. Шуңа да бүген балаларны җәрәхәтләнүдән саклаучы җайланмалар бик күп. Һәр балалар кибетләрендә өстәл почмакларына бәрелүдән, электр розеткаларына бармак тыгудан, шкаф ишекләренә кул кыстырудан саклаучы чаралар сатыла. Сабый тәрәзәне үзе ача алмасын өчен дә тоткычларга махсус йозаклар куйдыртып була.

Бездән берничә киңәш:

1.Бала мондый фаҗигагә ата-ана өйдә юкта ешрак тарый. Кечкенә балаларны игътибарсыз калдырмагыз.

2.Москит сеткасына ышанмагыз. Киресенчә, ул фаҗигагә этәрә генә. Еш кына балалар шушы сетка белән чыгып төшә.

3.Тәрәзә яныннан мебель тормасын, бала менәрлек булмасын.

4. Булдыра алганча тәрәзәне өстән ачарга тырышыгыз.

5. Тәрәзәне берничә сантимер гына ачарлык итеп фиксатор куегыз.

6.Тәрәзәгә рәшәткәләр куегыз. Алар баланы тәрәзәдән төшеп китүдән саклый.

7.Тәрәзә янында торган караватта сикерергә рөхсәт бирмәгез.

8.Балага куркынычсызлык дәресләре бирегез. Өлкәнрәкләр кечкенәләр артыннан карый торган булсын.

Тәрәзәгә тимер рәшәткәләр урнаштырасыз икән, янгын була калса, тиз генә ачарга мөмкинлек булсын. Рәшәткәләрне, фиксаторларны белгечләр генә урнаштырырга тиеш!