Бүген  тәрбияче Гузәл Гыйлмәтдиновна балалар белән  “Язгы боз ястык калынлыгы булса да, ышанма!”  темасына әңгәмә уздырды. Тәрбияче балаларга су буйларына төшмәскә, боз өсләренә кермәскә икәнлеген әйтте. Яз көне боз нинди калын булса да, ул көпшәк кебек тиз ватыла. Шуңа күрә суга бату куркынычы бик зур  дип аңлатты.

  Язгы ташу сулары кешеләргә өстәмә мәшәкатьләр генә түгел, кайбер вакытта зур куркыныч та алып килә. Язгы боз кызыксынучан һәм хәрәкәтчән балаларны үзенә нык җәлеп итә. Алар, курку хисен тоймыйча, бер боз кисәгеннән икенчесенә сикереп уйнарга да ярата. Шуны истә тотып, бакчабызда һәр группа тәрбиячеләре балаларны да, әти-әниләрне дә язгы ташу вакытындагы куркынычсызлык кагыйдәләре белән таныштыра. Бәхетсезлек очракларын булдырмау өчен тәрбиячеләр аңлату эшләре алып бара, рәсемнәр ясата, әңгәмәләр кора, буклетлар тарата һәм көн дә язгы ташу вакытында бик сак булырга, үзеңне дә, башкаларны да бәладән сакларга кирәклеген искәртәләр.