Герой-шагыйрь Муса Җәлил − татар шигърияте түрендә якты янган йолдызларның иң зурысы. Аның иҗат җимешләре һәм андагы рухи яктылык − безнең мактанычыбыз һәм горурлыгыбыз. Аның исеме мәдәниятебез тарихының үткәне, бүгенгесе һәм киләчәге белән мәңгегә бәйләнгән.

Бүгенге әдәби-музыкаль кичә күренекле татар шагыйре, Советлар Союзы герое, Ленин премиясе лауреаты Муса Җәлилгә багышланды.Бакчада атна дәвамында төрле әдәби чаралар үткәрелде. Балалар Муса Җәлилнең “Кызыл ромашка” әсәренә иллюстрация,  “Куян” шигыренә аппликация ясадылар. Һәр төркемдә эшләүче тәрбиячеләр шагыйрьнең тормыш юлы һәм иҗаты турында балалар белән әңгәмәләр алып бардылар.  Бу җанлы чаралардан әти-әниләр дә читтә калмады. Алар балалар белән  бергә өйдә шагыйрьнең шигырьләренә  иллюстрацияләр ясадылар. Атна буена рәсемнәр күргәзмәсе эшләде.