Татар балалар бакчалары тәрбиячеләре өчен бакчабызда  район методик берләшмәсе утырышы белән берлектә район семинары  узды. Әлеге семинар темасы "Мәктәпкәчә яшьтәге балаларны cоциалләштерүнең мөһим структурасы буларак проект эшчәнлеге". Семинар музыка җитәкчесе Костина О.А. җитәкчелегендә  бакчабыз нәниләре сәламләве,  музыкаль чыгышы белән башланып китте. Кабаттан бакчабыз өлкән тәрбиячесе Зиатдинова Ф.Х. әлеге темага чыгыш ясады, беренче категорияле тәрбияче Юнусова Г.Р.  зурлар төркеме балалары белән белем бирү эшчәнлеге күрсәтте. Семинарда районыбыз тәрбиячеләре тәҗрибә уртаклашты, мастер класс күрсәттеләр.Район мәгариф бүлеге методисты Нагимова Г.Р.алга таба эш планы, яңалыклар белән таныштырды. Семинар ахырында педагоглар ике дәүләт теленә өйрәтү буенча тупланган күргәзмә белән танышты.