Бакчабызда милли бәйрәмебез "Нәүрүз" гөрләп үтте. Бәйрәм чарасы күчтәнәчләр җыю, матур итеп бүлмә хуҗаларын сәламләү, шигырьләр сөйләү белән, бергәләп җырлап- биеп башланып китте. Икенче өлеш урамда уен мәйданчыгында дәвам итте. Кыш бабай,аның ярдәмчесе Убырлы карчык ничек кенә комачауласалар да,Нәүрүзбикәне яшерсәләр дә - балалар аларның биремнәренә, табышмакларына дөрес җавап биреп Нәүрүзбикәгә ярдәм иттеләр. Ә яз гүзәле  Нәүрүзбикә балаларга күчтәнәчләр белән килде,күңелле уеннар оештырды. Кыш бабай белән көч сынашуда Яз кызы балаларның теләге,ярдәме белән үзенең көчлерәк икәнен күрсәтте. Табигатьтә яз! Илләребезгә иминлек, муллык алып килсен яз!